Վիքիլիքսի տարածած գաղտնի փաստաթղթերի ու կայքէջի հիմնադիր Ջուլիան Ասսանժի մասին լուրերը շարունակում են մնալ ուշադրության կենտրոնում: Ոմանք կարծում են, թե հրպարակված տեղեկությունները էդքան էլ նորություններ չեն պարունակում ու մենք արդեն գիտեինք այդ ամենը: Ոմանք էլ, անկախ հրապարակումների բնույթից, հավատացած են, որ այս ամենը նախապես ծրագրավորված է ու հենց Ամերիկայի, իսկ երբեմն էլ Իսրայելի, հատուկ ծառայությունների մատը խառն է:
Սա անշուշտ ցույց է տալիս մերոնց կտրվածությունը աշխարհաքաղաքական գործընթացներից: Նման մոտեցումը ճիշտ և ճիշտ կրկնությունն է բնության երևույթների պատճառները չիմանալու արդյունքում դրանց պաշտելու կամ դրանց համար աստվածներ ստեղծելու ու զոհաբերություններ կատարելու ժամանակներին:
